محمد فتحي، المعروف في المجال باسم جاكسون، أخصائي تغذية رياضية وإكلينيكية معتمد ومدرب لياقة، بيساعد الناس يحولوا شكل جسمهم ويوصلوا لأفضل نسخة منهم، مهما كان هدفهم، عن طريق تحسين أسلوب حياتهم وتغيير طريقتهم في التفكير.
اتخرج من هندسة العمارة وحاصل على شهادة من EREPS، وبدأ JACKSON FITNESS CO. سنة 2021 علشان يقدم خطط تغذية وتمارين مرنة للعملاء في كل حتة في العالم، ويساعدهم يوصلوا لهدفهم بأفضل طريقة ممكنة.
الأسئلة الشائعة
إزاي بدأت رحلتي في الفتنس؟
بدأت رحلتي الرياضية كلاعب كرة سلة في نادي الزهور وانا عندي 4 سنين، وبعدها أخدتها لمستوى الاحتراف مع الفريق، وتم اختياري للعب في المنتخب الوطني، وحققت بطولات وميداليات محلية ودولية، لحد ما تم اكتشافي من قبل النادي الأهلي واتعاقدت معاهم، واستمررت في تمثيل منتخب مصر لحد 2018، وبعدها حولت تركيزي لكمال الأجسام، اللياقة والتغذية.
من وانا عندي 11 سنة كنت دايمًا مهتم بجسمي من ناحية اللياقة والتغذية علشان أطور مهاراتي ومستوايا في الملعب، لدرجة إني درست كورسات كتير وحصلت على شهادات في التغذية، اللياقة والتدريب الشخصي، وده خلاني بعد سنين أقرر أخد المجال ده كمجال أساسي في حياتي المهنية.
بدأت أصمم برامج تغذية وتمارين مخصصة لصحابي وزمايلي في الفريق ببلاش، ومع الوقت ومن خلال ترشيحهم ليا، عدد العملاء زاد، وده شجعني إني أبدأ أشارك محتوى على السوشيال ميديا علشان أساعد عدد أكبر من الناس يطوروا أسلوب حياتهم الصحي.
إيه مصدر إلهامي؟
كل يوم بسمع ناس بيقولولي إن صحتهم اتحسنت، يومهم بقى أسهل، وإنهم حاسين بطاقة أكتر بسبب التزامهم بالخطة الغذائية والتمارين المخصصة ليهم. ده هو الدافع الحقيقي اللي بيخليني أكمل، أدرس أكتر، وأطور من نفسي كل يوم.
ما هي وجبة الغش المفضلة لديك؟
أكيد يا إما بيتزا أو سوشي، وبعدها احتمال كبير تشيز برجر. 😋
